Իտալիայում տրանսպորտի համազգային գործադուլ է անցկացվում
Տրանսպորտի հատվածի աշխատակիցների համազգային գործադուլը հունիսի 16-ին կաթվածահար է արել երթեւեկությունը Իտալիայի խոշորագույն քաղաքներում: Ինչպես հայտնել է Rai News 24 նորությունների ալիքը, Alitalia ազգային ավիաընկերությունը բողոքի ակցիայի կապակցությամբ հարկադրված է եղել չեղյալ հայտարարել 160 ազգային եւ միջազգային չվերթներ:
Երկրի խոշորագույն օդանավակայաններում ուղեւորներին հանձնարարված է ճշտել իրենց չվերթին վերաբերող տեղեկատվությունը։
24-ժամյա գործադուլը տարածվում է հասարակական տրանսպորտի բոլոր տեսակների՝ մետրոյի, վերգետնյա տրանսպորտի, ինչպես նաեւ երկաթուղիների վրա: Առանձնակի ընդհատումներ են սպասվում քաղաքամերձ էլեկտրագնացքների երթեւեկության գրաֆիկում:
Տրանսպորտի սեկտորի աշխատակիցների արհմիությունները բողոքում են մարդատար փոխադրումների ճյուղի մասնավորեցման եւ ազատականացման պլանի դեմ, հաղորդվել է ՏԱՍՍ-ը:
