Դեղատների լուսավորությունը շփոթեցնում է վարորդներին. Դավիթ Օհանյան
Երեւանի քաղաքապետի նորանշանակ տեղակալ Դավիթ Օհանյանն այսօր ավագանու արտահերթ նիստում հայտարարեց, որ Երեւանի քաղաքապետարանի ենթակայության տակ գտնվող բուժհաստատությունների սարքավորումներով վերազինումը այս տարի եւս շարունակական կլինի: Ըստ նրա՝ մեծ ուշադրություն է դարձվելու հատկապես առաջնային օղակներին եւ ամեն ինչ արվելու է հասարակության վստահությունը դեպի այդ օղակները վերականգնելու ուղղությամբ:
Օհանյանը նաև նշեց, որ գիշերային ժամերին կկանոնակարգվի դեղատների լուսավորությունը, քանի որ այն հաճախ շփոթեցնում է վարորդներին: «Հարցը կառավարությունում է եւ շուտով լուծում կտրվի»,- ասաց նա:
