Facebook-ը սոցցանցում ահաբեկչության քարոզչության դեմ պայքարի նոր տեխնոլոգիաներ է ներդնում
Facebook սոցիալական ցանցի վարչությունը նոր ծրագրային ապահովում է թեստավորում՝ ցանցում ծայրահեղականության եւ ահաբեկչության քարոզչության տարածմանը հակազդելու համար:
Այդ տեխնոլոգիաները հենվում են արհեստական ինտելեկտի տարրերի վրա եւ թույլ են տալիս ավելի հազվադեպ մարդկանց գործի դնել արգելված կոնտենտի հեռացման կամ արգելափակման որոշում ընդունելիս: Հունիսի 15-ին այս մասին հայտարարել է Միացյալ Նահանգների Facebook ընկերությունը։
Ինչպես պարզաբանել են ընկերությունում, այդ մշակումներն ավելի արդյունավետ են ծայրահեղական ուղղվածության կոնտենտի ավտոմատ ճանանչման գործում: Համապատասխանաբար, կրճատվում է այն դեպքերի քանակը, երբ պահանջվում է Facebook-ի մոդերատորի միջամտությունը հաշվառված գրառման կամ տեղեկատվության հատվածի հեռացման վերջնական որոշում կայացնելու համար:
«Արհեստական ինտելեկտն այժմ կարող է ավելի հաճախ ինքնուրույն ընտրության կատարել»,- նշել է ընկերությունում ահաբեկչության հակազդման բաժնի հսկիչ Բրայան Ֆիշմենը, հաղորդել է ՏԱՍՍ-ը:
