Խոշոր հրդեհ Երևանում. երկու մարտական հաշվարկ է մեկնել
Հունիսի 16-ին, ժամը 09:54-ին ահազանգ է ստացվել, որ Երևան քաղաքի Երվանդ Քոչար փողոցի թիվ 17 շենքի բնակարաններից մեկում հրդեհ է բռնկվել:
Դեպքի վայր են մեկնել Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը, երկու մարտական հաշվարկ, մեկ ավտոսանդուղք և հոգեբանական աջակցության բաժնի հրահանգիչը:
Պարզվել է, որ հրդեհը բռնկվել է Ժ. Ա.-ին պատկանող բնակարանի շքամուտքի խորդանոցում:
Հրդեհը մեկուսացվել է ժամը 10:06-ին, մարվել՝ 10:11-ին: Այրվել են կենցաղային իրեր (4 քմ):
Հոգեբանական աջակցության բաժնի հրահանգիչը հոգեբանական աջակցություն է ցուցաբերել 2006 թ. ծնված Ք. Գ.-ին (ականատես):
