Գևորգ Սաֆարյանը հեռացվեց դատական նիստերի դահլիճից
Աջափնյակ և Դավթաշեն վարչական շրջանների ընդհանուր իրավասության դատարանի դատավորը քիչ առաջ «անհիմն լինելու պատճառով» մերժեց Ժիրայր Սէֆիլյանի և մյուսների գործով ամբաստանյալ Ներսես Պողոսյանի պաշտպանի կողմից ներկայացված միջնորդությունը:
Հիշեցնենք, որ պաշտպանն ինքնաբացարկի միջնորդություն էր ներկայացրել գործով դատավորին: Մինչև դատավորը հրապարակում էր որոշումը, դահլիճում վանկարկում էին «Սասնա ծռեր»:
Դատավորը որոշում կայացրեց դատարանի դահլիճից 3 ժամով Գևորգ Սաֆարյանին հեռացնելու մասին. դատարանն անհարգալից վերաբերմունք համարեց այն, որ Գևորգ Սաֆարյանը դատարանին դիմում էր առանց ոտքի կանգնելու:
Նախազգուշացում կիրառելուց հետո դատավորը հեռացրեց նրան դահլիճից: Դատական նիստը ընդմիջվել է մեկ ժամով:
