ԱՄՆ-ում ձերբակալվել է առևտրի կենտրոնում հրաձգություն իրականացրած անձը
ԱՄՆ ոստիկանությունը ձերբակալել է մի երիտասարդի, որը կասկածվում է Վաշինգտոն նահանգի Բեռլինգթոն քաղաքի առևտրի կենտրոններից մեկում հրաձգություն իրականացնելու մեջ, ինչի հետևանքով սպանվել էր 5 մարդ: Այս մասին հայտնում է BBC-ի ռուսական ծառայությունը:
Ձերբակալվածի անունն է Արկան Չեթին, նա 20 տարեկան է: Վերջինս բնակվել է նույն նահանգի Օուք-Հարբոր քաղաքում: Ամենայն հավանականությամբ, նրան հենց այնտեղ էլ կալանավորել են:
Բեռլինգթոնի Cascade Mall առևտրի կենտրոնում հրաձգության զոհ է դարձել 3 կին, մի աղջիկ և տղամարդ, որն ավելի ուշ մահացել է հիվանդանոցում ծանր վնասվածքների հետևանքով: 
Հետաքննությունների դաշնային բյուրոյում հայտարարել են, որ դիտարկում են ահաբեկչության վարկածը:
Ոստիկանությունը հարված է վարկածի, որ հարձակվողը միայնակ է գործել:
