Հզոր պայթյուն Բուդապեշտում, կան վիրավորներ
Իրավապահները Հունգարիայի մայրաքաղաք Բուդապեշտի կենտրոնում տեղի ունեցած պայթյունը դիտարկում են որպես ահաբեկչություն: Ներկայումս դեպքի վայրում աշխատում են ոստիկաններն ու փորձագետները, հայտնում է korrespondent.net-ը: 
Տեղի ԶԼՄ-ները գրում են, որ պայթյունը տեղի է ունեցել գազի արտահոսքի հետևանքով:
Պայթյունի ալիքն այնքան ուժեղ է եղել, որ դրա գործողությունը զգացվել է պայթյունի էպիկենտրոնից 200 մետր հեռավորության վրա: Հարևան շինությունների ապակիները կոտրվել են: 
Պայթյունը տեղի է ունեցել սեպտեմբերի 24-ին՝ տեղի ժամանակով ժ. 23.00-ի սահմաններում: Դրա հետևանքով տուժել է 2 մարդ: 
