«Ես երբեք թերթ չեմ կարդում». Պոլ Պոգբա
«Մանչեսթեր Յունայթեդի» կիսապաշտպան Պոլ Պոգբան մեկնաբանություններ է արել «Լեսթերի» դեմ տարած հաղթանակից հետո:
«Մեր թիմը շատ ուշադիր հանդիպում անցկացրեց: Մենք գիտեինք, որ հեշտ չի լինելու և հրաշալի խաղ ցուցադրեցինք: Ցանկանում ենք հետագայում շարունակել այս ոգով խաղալ:
Ես գոհ եմ արդյունքից և իմ խփած գոլից: Հուսով եմ, այն վերջինը չի դառնա»,- իր տպավորություններով կիսվել է ֆրանսիացին:
Կիսապաշտպանը մեկնաբանել է քննադատությունը, որին ենթարկվել էր մրցաշրջանի սկզբում.
«Ես երբեք թերթ չեմ կարդում: Միայն ասում եմ, որ վերջում ամեն ինչ պարզ կլինի և արդյունքում մենք ամեն ինչ կտեսնենք»,- մեկնաբանել է Պոգբան:
Պատրաստեց Անի Գաբուզյանը
