«Ամեն ինչ կանեմ, որ շուտ վերադառնամ և մասնակցեմ Հայաստանի հետ խաղին». Շմեյխել
Դանիայի հավաքականի դարպասապահ Կասպեր Շմեյխելը օրերս վիրահատության է ենթարկվել: Ճողվածքի վիրահատությունը հաջող է ընթացել:
Դանիայի ազգային հավաքականի և «Լեսթերի» դարպասապահը Twitter-ի իր միկրոբլոգում գրել է, որ արդեն սկսել է ապաքինման գործընթացը:
«Ամեն ինչ կանեմ, որ շուտ վերադառնամ և մասնակցեմ Հայաստանի հետ խաղին»,-գրել է դարպասապահը:
Հիշեցնենք, որ Աշխարհի առաջնության ընտրական փուլի Դանիա-Հայաստան խաղը կկայանա սեպտեմբերի 4-ին:
Սիրարփի Աղաբաբյան
