Հրդեհ «Հանդիպում» ռեստորանի մոտակայքում
Օգոստոսի 25-ին, ժամը 15.16-ին ահազանգ է ստացվել, որ հրդեհ է բռնկվել Երևան-Սևան ավտոճանապարհին՝ «Հանդիպում» ռեստորանի մոտակայքում գտնվող չշահագործվող շինությունում:
Դեպքի վայր է մեկնել մեկ մարտական հաշվարկ:
Պարզվել է, որ հրդեհը բռնկվել է Մ-4 ավտոճանապարհի Երևան-Սևան հատվածի 17-րդ կմ-ի աջակողմյան հատվածում՝ «Ունիվերսալ» ՍՊԸ-ի ինքնաշեն երկաթյա տնակում:
Հրդեհը մեկուսացվել է ժամը 15.54-ին, մարվել՝ 16.51-ին:
Տնակում այրվել են ներքին պենոպլաստե երեսպատումը (մոտ 200 քմ) և կուտակված փայտ (2 խմ):
