«Մանչեսթեր Յունայթեդը» վստահ հաղթանակ է տանում. Մխիթարյանը դաշտ դուրս եկավ հանդիպման վերջնամասում
Անգլիայի Պրեմիեր լիգայի երկրորդ տուրը մեկնարկեց «Մանչեսթեր Յունայթեդ» – «Սաութհեմփթոն» խաղով: Հանդիպումն ավարտվեց «Կարմիր սատանաների» հաղթանակով (2:0):
Հանդիպման հաշիվը բացվեց 36-րդ րոպեին: Ույեն Ռունիի հրաշալի փոխանցումից հետո գլխի հուժկու հարվածով Զլատան Իբրահիմովիչը գնդակը մխրճեց դարպասի մեջ:
Ընդմիջումից հետո մանկունյանցիները 11 մետրանոցի իրավունք վաստակեցին, որը հստակ իրացրեց Իբրան:
Հիշեցնենք, որ Հենրիխ Մխիթարյանը տեղ չէր գտել «Մանչեսթեր Յունայթեդի» մեկնարկային կազմում: Նա դաշտ դուրս եկավ 75-րդ րոպեին՝ փոխարինելով Խուան Մատային:
Պատրաստեց Անի Գաբուզյանը
