Մխիթարյանը գլխավորում է ԱՊԼ-ի լավագույն կիսապաշտպանների վարկանիշը
Անգլիական Mirror պարբերականը հրապարակել է ԱՊԼ-ի լավագույն կիսապաշտպանների վարկանիշային աղյուսակը: Այս աղյուսակում առաջատարը «Մանչեսթեր Յունայթեդի» և Հայաստանի ազգային հավաքականի ֆուտբոլիստ Հենրիխ Մխիթարյանն է:
Պարբերականը Մխիթարյանի մասին գրում է, որ ամբողջ Անգլիան Հենրիխից սպասում է այնպիսի խաղ, ինչպիսին նա խաղում էր նախորդ մրցաշրջանում: Չնայած այն բանին, որ անգլիական գրանդի կազմում խաղում են նաև Զլատան Իբրահիմովիչը և Պոլ Պոգբան, միևնույնն է Մխիթարյանը պետք է կարողանա ցուցադրել իր խաղը:
ԱՊԼ-ի լավագույն կիսապաշտպանների եռյակում են ընգրկվել նաև «Արսենալի» ֆուտբոլիստ Մեսութ Օզիլը և «Լեսթերի» ֆուտբոլիստ Ռիհադ Մահրեզը:
Սիրարփի Աղաբաբյան
