Հենրիխ Մխիթարյանը դարձավ Անգլիայի սուպերգավաթակիր
Անգլիայի Սուպերգավաթի խաղում երկրի գավաթակիր «Մանչեսթեր Յունայթեդը» 2:1 հաշվով հաղթեց Պրեմիեր լիգայի չեմպիոն «Լեսթերին»: Պորտուգալացի մասնագետ Ժոզե Մոուրինիոյի գլխավորությամբ սա «Կարմիր սատանաների» առաջին նվաճումն է:
Լոնդոնի «Ուեմբլի» մարզադաշտում կայացած հանդիպման հաղթական գոլը հիմնական ժամանակի ավարտից 7 րոպե առաջ խփեց «Մանչեսթեր Յունայթեդի» նորեկ, շվեդ հարձակվող Զլատան Իբրահիիմովիչը:
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը փոխարինման դուրս եկավ միայն ավելացված ժամանակում:
Անգլիայի Սուպերգավաթ
«Լեսթեր Սիթի» – «Մանչեսթեր Յունայթեդ»՝ 1:2
Ջեյմի Վարդի, 52, Ջեսի Լինգարդ, 32, Զլատան Իբրահիմովիչ, 83
