Կյանքից հեռացել է Արգենտինայի Հայ կենտրոնի վարչության նախագահ Ալբերտո Ջերեջյանը
Արգենտինայի Հայ կենտրոնի վարչությունը տեղեկացնում է, որ օգոստոսի 5-ին սրտի կաթվածից մահացել է կենտրոնի նախագահ Ալբերտո Ջերեջյանը։ Prensa Centro Armenio-ից փոխանցված մահազդն «Արմենպրես»-ը ներկայացնում է ամբողջությամբ՝ արևմտահայերեն.
«Արժանթինի Հայ Կեդրոնի Վարչութիւնը այսու կու գայ սրտի անհուն կսկիծով՝ գուժելու անակնկալ մահը երկար տարիներու իր նախագահին՝ յանձինս Ալպերթօ Ճէրեճեանի, որ երէկ Օգոստոս 5-ին սրտի կաթուածի պատճառով յանկարծամահ եղաւ, խոր սուգի մատնելով իր հարազատները, բարեկամները եւ հայ գաղութի անդամները:
Ապերթօ Ճէրեճեան միաժամանակ նախագահն էր Պօղոս եւ Սիրանուշ Արզումանեան բարեսիրական հիմնարկութեան: Ան հոգիով նուիրուած էր հայ գաղութի ծառայութեան եւ անոր վերելքին, որպէսզի միշտ բարձր պահուի հայ գաղութին անունը տեղական շրջանակներու մէջ եւ յաչս պետութեան:
Անցեալ տարի իր գլխաւորութեամբ եւ գաղութային բոլոր կազմակերպութիւններու մասնակցութեամբ՝ մեծ շուքով նշուեցաւ հարիւրամեակի ոգեկոչումը բազմաթիւ եւ բազմաբնոյթ ձեռնարկներով:
Այս տարի Պապին Հայաստան այցելութեան առթիւ, կրկին գործի լծուած էր կազմակերպչական ճամբով, որովհետեւ մեր գաղութէն մեծ թիւով ազգայիններ մեկնեցան հայրենիք, դիմաւորելու համար արժանթինցի Պապը:
Ալպերթօն խստապահանջ եւ բծախնդիր մէկն էր նախ ինք իր հետ եւ յետոյ իր աշխատակիցներուն հետ գործի ժամանակ, մանաւանդ գաղութային ձեռնարկներու միջոցին: Կը ջանար որ ամէն ինչ կատարեալ ըլլայ: Իսկ ընկերային յարաբերութիւններուն մէջ , հաճելի,զուարթախօս, դիւրահաղորդ եւ մանաւանդ ծառայասէր անձ մըն էր:
Իր մահը մեծ կորուստ մըն է, նախ իր ընտանեկան պարագաներուն, ապա մեր գաղութիւն համար, որովհետեւ շատ ծրագիրներ ունէր մտքին մէջ, որոնք մնացին կիսաւարտ:
Աստուած հոգին լուսաւորէ եւ մնացողներուն ալ Ս. Հոգւոյ համբերութիւն պարգեւէ»:
