Վրաստանի ԿԸՀ-ն հրապարակել է ընտրողների միասնական ցուցակը
Վրաստանի ԿԸՀ-ն նորացրել է ընտրողների միասնական ցուցակը, հայտնում է «Գրուզիա օնլայնը»:
Ինչպես տեղեկացրել են ԿԸՀից, հուլիսի15-ի դրությամբ ընտրողների ընդհանուր թիվը կազմում է 3 452 093 մարդ:
Միևնույն ժամանակ, նշվում է, որ ցանկացած քաղաքացի կարող է իր տվյալները ստուգել հատուկ կայքում՝ voters.cec.gov.ge:
Տվյալները ընտրողների միասնական ցուցակում ստուգելով՝ օգտատերը կարող է տեսնել նաև տեղեկություն, թե որ ընտրական տեղամասում է ինքը գրանցված:
Ընտրողների նորացված ցուցակների հրապարակման ենթակա տեղեկությունը հասանելի է ընտրություններին գրանցված կուսակցություններին, ընտրական բլոկներին, նախաձեռնող խմբերին, ընտրողներին:
Անճշտության հայտնաբերման դեպքում անձը պետք է դիմի համապատասխան ընտրական հանձնաժողովին ընտրությունները մեկնարկելուց ոչ ուշ, քան 16 օր առաջ, այսինքն՝ մինչև սեպտեմբերի 22-ը և պահանջի կատարել համապատասխան փոփոխություններ:
