Բողոքի ցույցեր Չիկագոյում՝ սևամորթների սպանությունների դեմ
ԱՄՆ Իլլինոյս նահանգում բողոքի ակցիա է տեղի ունեցել ոստիկանության կողմից սևամորթ դեռահասի սպանության տեսագրությունից հետո: Այդ մասին հայտնում է Chicago Trubune-ը: 
Ցուցարարները հավաքվել էին քաղաքի հարավային հատվածում և վանկարկում «Ոստիկանները սպանում են մեզ» և «Կասեցրեք ռասիստական ոստիկանական ահաբեկչությունը»: 
Ցուցարարները դուրս էին եկել փողոցներ տեսագրության հրապարակումից հետո, որտեղ երևում է, թե ինչպես են ոստիկանները կրակում և սպանում 18-ամյա սևամորթ Փոլ Օ’Նիլին, որը փորձում էր առևանգած մեքենայով հեռանալ ոստիկաններից: 
Տղան ավելի ուշ ստացած վնասվածքների հետևանքով մահացել էր: Ոստիկանները, որոնց գործողությունները լիազորությունները գերազանցող էին ճանաչվել, ազատվել էին աշխատանքից:
