Եգիպտոսի վարչապետը կոչ է արել ամուսնական զույգերին սահմանափակվել երկու երեխայով
Եգիպտոսի վարչապետ Շերիֆ Իսմայիլը կոչ է արել ամուսնական զույգերին սահմանափակվել երկու երեխայով` տնտեսական ճգնաժամը հաղթահարելու համար: Այս մասին հաղորդում է «Ռիա Նովոստի»-ն:
Վարչապետի խոսքով՝ հիմնական խնդիրներից մեկը, որին Եգիպտոսը բախվում է հունվարի 25-ի հեղափոխությունից հետո, դարձել է բնակչության թվի ավելացումը: Նա ընդգծել է, որ դա բացասական է ազդում երկրի բյուջեի վրա:
Ավելի վաղ Եգիպտոսի ազգային խորհրդի փորձագետ Թարիկ Թաուֆիկը հայտարարել է, որ 2030 թվականին Եգիպտոսի բնակչության թիվը կհասնի 140 մլնի: Վերջին տարիներին Եգիպտոսում ծնելիության համաթիվը աճել է 35 տոկոսով:
Ներկայում Եգիպտոսի բնակչության թիվը կազմում է 90 մլն: 1984 թվականից սկսված երկրի բնակչության թիվն ավելացել է 2 անգամ:
