Սերժ Սարգսյանը շնորհավորել է Արաքս Մանսուրյանին՝ ծննդյան 70-ամյակի առթիվ
Նախագահ Սերժ Սարգսյանը շնորհավորական հեռագիր է հղել երգչուհի Արաքս Մանսուրյանին՝ ծննդյան 70-ամյակի առթիվ:
«Անուրանալի է Ձեր վաստակը հայ ազգային երգարվեստի զարգացման գործում: Ձեր հիասքանչ ձայնով և անզուգական կատարումներով Դուք կերտել եք օպերային անմոռաց կերպարներ և արժանիորեն նվաճել համազգային ճանաչում և սեր:
Այսօր էլ, ապրելով և ստեղծագործելով հայրենիքից հեռու, բարձր եք պահում հայ երգարվեստի համբավը՝ համերգային գործունեությունը զուգակցելով մանկավարժական շնորհակալ աշխատանքին:
Մաղթում եմ Ձեզ քաջառողջություն, երջանիկ կյանք և ստեղծագործական նորանոր ձեռքբերումներ»,-ասված է ՀՀ Նախագահի շնորհավորական հեռագրում:
