Բրիտանիայի իշխանությունները նվազագույնը 4 գործ են հետաքննում ահաբեկչությունների նախապատրաստման գործի շրջանակում
Բրիտանական հատուկ ծառայությունները նվազագույնը 4 գործ են հետաքննում՝ կապված Միացյալ Թագավորությունում ահաբեկչությունների նախապատրաստման հետ՝ իսլամական ծայրահեղականության բռնկման ֆոնին, գրում է Sunday Times թերթը:
Ինչպես հայտնել են պարբերականին բրիտանական հետախուզության բարձրաստիճան ներկայացուցիչները, «գոյություն ունի 4-5 գործ», որոնք կապված են չարագործների՝ «ահաբեկչություններ իրականացնելու» մտադրության հետ:
Թերթն ընդգծում է, որ ավելի վաղ երկրի ՆԳՆ ղեկավարի տեղակալ Բեն Ուոլեսը բանակցություններ է վարել Գերմանիայի և Ֆրանսիայի իրենց գործընկերների հետ այդ երկրներում տեղի ունեցած վերջին ահաբեկչություններից հետո, որպեսզի վերանայվեն մարզադաշտերում և Լոնդոնի առևտրային կենտրոններում անվտանգության միջոցառումները:
Sunday Times-ը նշում է, որ Միացյալ Թագավորության իրավապահ մարմինները վերջին 3 տարում կանխել են բրիտանացիների՝ Սիրիա մեկնելու և իսլամիստներին միանալու ավելի քան 900 փորձ: Ընդ որում՝ մոտ 130 բրիտանահպատակ է սպանվել Մերձավոր Արևելքում՝ կռվելով տարբեր ահաբեկչական խմբավորումների կազմում:
