«Ես կփորձեմ հաղթահարել բոլոր դժվարությունները և դառնալ ավելի ուժեղ». Հենրիխ Մխիթարյան
Manchester Evening News-ը հերթական անգամ անդրադարձել է անգլիական «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանին: Մխիթարյանը կայքի հետ զրույցում նշել է, որ իր համար վճարված գումարը չի կարող երաշխավորել իր տեղը թիմի հիմնական կազմում:
«Չեմ կարծում, որ միշտ կլինեմ հիմնական կազմում: Պետք է հարգել մարզչի որոշումը: Իմ՝ հիմնական կազմում հայտնվելը կախված է մրցակցից ու իմ որակներից: Այստեղ խաղալը նոր մարտահրավեր է ինձ համար: Ես կփորձեմ հաղթահարել բոլոր դժվարությունները և դառնալ ավելի ուժեղ»,- նշել է Մխիթարյանը:
Սիրարփի Աղաբաբյան
