Եգիպտոսը կարող է ճանաչել Հայոց ցեղասպանությունը
Եգիպտոսի ավելի քան 300 պատգամավոր է ստորագրել Օսմանյան Թուրքիայում 1915 թվականին իրականացված Հայոց ցեղասպանությունը ճանաչող բանաձևը խորհրդարանում քվեարկության դնելու հարցումը: Այս մասին հայտնում է RIA Novosti-ն՝ հղում անելով եգիպտական Youm7 պարբերականին:
Հարցման նախաձեռնողը եգիպտացի հայտնի լրագրող և խորհրդարանական Մուստաֆա Բաքրին է:
Նրա գործընկերոջ՝ Ֆաիզ Բարաքյատայի խոսքով՝ ընդունման դեպքում բանաձևը «կդառնա Եգիպտոսի նկատմամբ Թուրքիայի թշնամական գործողությունների և պաշտոնական Անկարայի՝ Եգիպտոսի ներքին գործերին խառնվելու փորձերի պատասխանը»:
