Վրաստանում կկառուցվի պողպատի մետալուրգիական գործարան
Վրաստանի ԱԳՆ մամուլի ծառայությունը հայտնում է, որ նախօրեին կայացել է գերատեսչության փոխղեկավար Դավիթ Ջալագանիի և Posco-ի ներկայացուցիչների հանդիպումը՝ փոխնախագահ Ջին-Սիկ Չոյի գլխավորությամբ, տեղեկացնում է geomigrant.com-ը:
Հանդիպման ընթացքում կորեական ընկերության ներկայացուցիչները վրացական կողմին ծանոթացրել են նախագծի դետալների հետ, որը նպաստելու է երկրում մետալուրգիական ինդուստրիայի զարգացմանը:
Հարավկորեական Posco-ն մտադիր է Վրաստանում կառուցել տարեկան 1 մլն տոննա հզորությամբ պողպատի մետալուրգիական գործարան:
Պողպատի արտադրողների համաշխարհային ասոցիացիայի տվյալներով (World Steel Association, Worldsteel)՝ 2015թ. Posco-ն ներառվել է պողպատարտադրողների խոշորագույն հնգյակի մեջ:
