Հայաստան-Վրաստան սահմանային գոտում 4 մագնիտուդ ուժգնությամբ երկրաշարժ է եղել
ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցը հուլիսի 21-ին, ժամը 19.17-ին գրանցել է 4.0 մագնիտուդ ուժգնությամբ երկրաշարժ Հայաստան-Վրաստան սահմանային գոտում՝ Դմանիսի քաղաքից 18 կմ հյուսիս-արևմուտք:
Ստորգետնյա ցնցման ուժգնությունն էպիկենտրոնում կազմել է 5-6 բալ:
Էպիկենտրոնի աշխարհագրական կոորդինատներն են՝ հյուսիսային լայնության 41.390 և արևելյան երկայնության 44.020:
Երկրաշարժի հիպոկենտրոնը գտնվում է 12 կմ խորության վրա:
Ինչպես տեղեկացնում է ՀՀ արտակարգ իրավիճակների նախարարության պաշտոնական կայքից, երկրաշարժը զգացվել է Հայաստանի հյուսիսային հատվածում, մասնավորապես Ստեփանավան, Տաշիր, Ալավերդի և Վանաձոր քաղաքներում, Բավրա և Սիզավետ գյուղերում 3-4 բալ ուժգնությամբ:
