Վանուատուի ափերին գրանցվել է 6 մագնիտուդ ուժգնությամբ երկրաշարժ
Խաղաղօվկիանոսյան Վանուատու հանրապետությունում տեղի է ունեցել 6.0 մագնիտուդ ուժգնությամբ երկրաշարժ: Այդ մասին գրում է «ՌԻԱ Նովոստի»-ն: Ցնցումները արձանագրվել են տեղական ժամանակով 15:13-ին Իսանգել քաղաքից 76 կիլոմետր դեպի հյուսիսարևմուտք` Թաննա կղզու ծովափին: Օջախը գտնվում էր 164.1 կմ խորության վրա: Զոհերի և ավերածությունների մասին տեղեկություններ չկան, ցունամիի վտանգի մասին հայտարարություն չի արվել:
Վանուատու կղզին խաղաղօվկիանոսյան «Կրակե օղակ»-ի մասն է կազմում, որտեղ տեղի են ունենում Երկրագնդի ցնցումների 90%-ը:
