Բրյուսելում ենթադրյալ ահաբեկիչ է ձերբակալվել
Բրյուսելում չորս ժամ տևած հատուկ գործողությունների արդյունքում ոստիկանությունը ձերբակալել է ենթադրյալ ահաբեկչի: Ինչպես հայտնում է «ՌԻԱ Նովոստի»-ն, ձերբակալվածը ֆիզիկայի ֆակուլտետի ուսանող է:
Ենթադրյալ ահաբեկիչը թաքնվել էր Բրյուսելի կենտրոնական ավտոկայանատեղիում` պատմական Գրան պլյաս հրապարակից մի քանի հարյուր մետր հեռավորության վրա: Ականատեսների վկայությունների համաձայն` տղամարդը սև վերարկու էր հագել, որի տակից երևում էին լարեր:
Հատուկ գործողությունների արդյունքում գրադարանին մոտ գտնվող շենքից և խանութներից մարդիկ են տարհանվել:
