Ինչո՞ւ էր լարվել իրավիճակը Խորենացի փողոցում
Քիչ առաջ լարված իրավիճակ էր ՀՀ ոստիկանության պարեկապահակային ծառայության գնդի շենքի մոտ: Այստեղ են հավաքվել մի խումբ քաղաքացիներ: Նշենք, որ երբ կրակոցներ լսվեցին ներսից, Խորենացի փողոցում՝ ՀՀ ոստիկանության պարեկապահակային ծառայության գնդի շենքի մոտ հավաքված մարդիկ սկսեցին առաջ շարժվել, ու հրմշտոցներ սկսվեցին ցուցարարների և ոստիկանների միջև: Պարզվեց, որ կրակոցների հեղինակը «Սասնա ծռեր» խմբի անդամներն են եղել, որոնք կրակել են՝ մտածելով, թե ոստիկանությունը հարձակվել է ժողովրդի վրա: 
Վարուժան Ավետիսյանը հեռախոսով այնտեղ հավաքաված մարդկանց ասաց, որ իրենք են կրակոցների հեղինակը. «Մեր վրա որևէ հարձակում չի եղել, չեն համարձակվի մեր վրա հարձակվել, եթե դուք այդտեղ լինեք»: 
Որոր ժամանակ անց ցուցարարները հարձակվեցին ոստիկանական մեքնեայի վրա՝ փորձելով այն շրջել, սակայն ոստիկաններին հաջողվեց կասեցնել ցուցարարների այդ փորձը: Նշենք, որ այս պահին ցուցարարները փակել են Խորենացի փողոցի մի հատվածը աղբամաններով և երկաթյա պատնեշներով: 
Զգուշացում. տեսանյութում կան անպատշաճ արտահայտություններ:
Մանրամասները՝ առաջիկայում:
Լուսանկարները՝ 168.am-ի:
