Կալանավորվել է «Ինջիրլիք» ռազմաբազայի հրամանատարը
Թուրքիայի հարավում տեղակայված «Ինջիրլիք» ռազմաբազայի հրամանատարը ձերբակալվել է երկրում հեղաշրջում իրականացնելու փորձին առնչություն ունենալու մեղադրանքով, հայտնում է Sky News Arabia հեռուստաալիքը:
Դրա տեղեկություններով՝ «Ինջիրլիք» բազայի հրամանատարը ձերբակալվել է Ադանայի մարզում: Նույն շրջանում բազայի հրամանատարի հետ կալանավորվել է ևս 10 թուրք բարձրաստիճան սպա:
Ավելի վաղ որոշ ԶԼՄ-ներ հայտնել էին, որ «Ինջիրլիք» ռազմաբազան պետական հեղաշրջումից հետո փակվել էր, անջատվել էր դրա էլեկտրամատակարարումը:
Հենց այս ավիաբազայում են տեղակայված ԱՄՆ-ի, Բրիտանիայի, Գերմանիայի, Սաուդյան Արաբիայի, Քաթարի ավիացիաները, որոնք պայքարում են ԴԱԻՇ-ի դեմ:
