Ն’Գոլո Կանտեն «Լեսթերից» տեղափոխվեց «Չելսի»
«Կապույտները» իրականացրին 2-րդ տրանսֆերը:
Շաբաթ «Չելսին» հաղորդեց ֆրանսիացի կիսապաշտպանի հետ 5-ամյա պայմանագիր ստորագրելու մասին:
«Ես շատ երջանիկ եմ, որ տեղափոխվեցի Եվրոպայի խոշորագույն ակումբներից մեկը: Երազանքը դարձավ իրականություն: Հիասքանչ մարզիչ Անտոնիո Կոնտեի և աշխարհի լավագույն ֆուտբոլիստների հետ աշխատելու հնարավորությունը չափազանց լավն էր, որպեսզի ես դրանից հրաժարվեի»,- Կանտեի խոսքերն է մեջբերում «Չելսիի» պաշտոնական կայքը:
Տրանսֆերի մանրամասները չեն բացահայտվում, բայց RMC Sport-ը ավելի վաղ հաղորդել էր, որ ֆրանսիացու վաճառքից «Լեսթերը» կստանա 38 մլն եվրո:
Ն’Գոլոն դարձավ «կապույտների» այս ամառվա 2-րդ ձեռքբերումը Բելգիայի հավաքականի հարձակվող Բատշուայից հետո:
Նախորդ մրցաշրջանում Կանտեն դարձել է Անգլիայի չեմպիոն:
Պատրաստեց Անի Գաբուզյանը
