Հալեպում ավիահարվածների հետևանքով սպանվել են տասնյակ մարդիկ
Սիրիայի Հալեպ քաղաքին հասցված ավիահարվածների հետևանքով սպանվել է նվազագույնը 28 մարդ, ներառյալ՝ երեխաներ, հայտնում է Լոնդոնում տեղակայված Մարդու իրավունքների մոնիթորինգի սիրիական կենտրոնը, տեղեկացնում է BBC-ն:
Ըստ տեղեկությունների՝ ավիահարվածները հասցվել են սիրիական կամ ռուսական ինքնաթիռների կողմից քաղաքի արևելյան շրջաններին, որոնք վերահսկվում են ապստամբների կողմից:
AFP գործակալության թղթակիցը Հալեպից հաղորդել է, որ քաղաքի մի քանի հատվածների վրա նետվել են «տակառային ռումբեր»:
Ռումբերից մեկն ընկել է հոսպիտալի վրա, ինչի հետևանքով տուժել են հիվանդներ և հիվանդանոցի աշխատակիցները:
Սիրիայի կառավարությունը, իր հերթին, պնդում է, որ իրենց վերահսկողության տակ գտնվող արևմտյան շրջանները արկակոծվել են ապստամբների կողմից, սպանվել է նվազագույնը 1 մարդ:
