Դեյվիդ Քեմերոնը մեկնել է Բուքինգհեմյան պալատ թագուհուն իր հրաժարականը ներկայացնելու

Մեծ Բրիտանիայի վարչապետ Դեյվիդ Քեմերոնը իր նստավայր «Դաունինգ սթրիթ 10»-­ից մեկնել է Բուքինգհեմյան պալատ Եղիսաբեթ երկրորդին իր հրաժարականը ներկայացնելու համար: Ինչպես հաղորդում են բրիտանական լրատվամիջոցները, Քեմերոնը թագավորական պալատ է մեկնել ընտանիքի հետ:

Ակնկալվում է, որ Քեմերոնից հետո Բուքինգհեմյան պալատ կայցելի նաև պահպանողական կուսակցության նորընտիր ղեկավար Թերեզա Մեյը, ում թագուհին կհանձնարարի նոր կառավարության ձևավորման գործը: