Էնդի Մարեյը` Ուիմբլդոնի կրկնակի հաղթող
Բրիտանացի Էնդի Մարեյը 2-րդ անգամ նվաճեց թենիսի Ուիմբլդոնի մրցաշարի տղամարդկանց մենախաղի հաղթողի տիտղոսը: Առաջին անգամ Մարեյը Ուիմբլդոնի հաղթողի տիտղոսը նվաճել էր 2013 թվականին:
2 ժամ 50 րոպե տևած եզրափակչում 29-ամյա թենիսիստը 3 սեթում 6:4, 7:6, 7:6 հաշվով պարտության մատնեց կանադացի Միլոշ Ռաոնիչին:
«Մեծ սաղավարտի» մրցաշարերում սա Մարեյի 3-րդ հաթանակն էր. 2012թ. նա հաղթել էր նաև US Open-ում: 25-ամյա Ռաոնիչն առաջին անգամ խաղաց «Մեծ սաղավարտի» մրցաշարի եզրափակիչում:
