Դավիթ Բեկ փողոցում ավտոմեքենան բախվել է արգելապատնեշին. կա տուժած
Հուլիսի 9-ին, ժամը 23.30-ին ահազանգ է ստացվել, որ Սարի թաղի շրջադարձի մոտակայքում (Հեռուստաաշտարակի մոտակայք) տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում Mersedes E-124 մակնիշի 35 AD 976 պետհամարանիշով ավտոմեքենան (վարորդի տվյալները չի հաջողվել պարզել) բախվել է Դավիթ Բեկի և Սարի Թաղի 21 փողոցների (Հեռուստաաշտարակի մոտակայք) շրջանաձև խաչմերուկի կենտրոնում գտնվող արգելապատնեշին:
Փրկարարները տուժած ուղևորին տեղափոխել են շտապօգնության ավտոմեքենա (տեղափոխվել է Էրեբունի ԲԿ), փակել են գազի բալոնի փականը և հոսանքազրկել ավտոմեքենան:
