Չինաստանում թայֆունի պատճառով տարհանվել է շուրջ 230 հազար մարդ
Չինաստանում թայֆունի պատճառով տարհանվել է շուրջ 230 հազար մարդՉինաստանի Ժողովրդական Հանրապետության արևելյան Ֆուցզյան նահանգում հզոր «Նեպարտակ» թայֆունի մոտենալու հետ կապված տարհանվել է շուրջ 230 հազար մարդ: Այս մասին տեղեկացնում է «ՌԻԱ Նովոստի»-ն:
Մարդկանց տարհանել են այն շրջաններից, որոնք թայֆունի հետևանքով ռիսկային են համարվում: Մասնավորապես դա վերաբերում է այն շրջաններին, որտեղ կարող են հեղեղումներ ու սողանքներ առաջանալ: Հրահանգվել է նավերին վերադառնալ նավահանգիստ: Ընդ որում, Ֆուցզյանում քաղաքացիական նավերի նավակազմում կա ավելի քան 30 հազար նավ:
Նախօրեին «Նեպարտակ» թայֆունը Թայվանի հյուսիսարևելյան հատվածում երկու մարդու մահվան պատճառ էր դարձել, 70 մարդ վիրավորվել էր, իսկ հարյուր հազարավոր տներ` վնասվել:
