Գերմանիան 299 պոտենցիալ ահաբեկչի մասին տեղեկություն է փոխանցել ԱՄՆ-ին
Գերմանիայի իրավապահ մարմինները ԱՄՆ Հետաքննությունների դաշնային բյուրոյին են հանձնել Գերմանիայում գտնվող 299 պոտենցիալ ահաբեկչի մասին տեղեկություններ: Այս մասին տեղեկացնում է ՏԱՍՍ-ը:
Գերմանական Rheinische Post-ը հայտնում է, որ Գերմանիայի ներքին գործերի նախարար Թոմաս դե Մեզյերը 2016 թվականի մայիսին Վաշինգտոնում ստորագրել է համաձայնագիր, որը ենթադրում է ահաբեկիչների մասին տեղեկատվության ավելի ինտենսիվ փոխանակություն: Դրանից հետո, գերմանական իրավապահ մարմինները ամերիկացի գործընկերներին են փոխանցել շուրջ 3 հարյուր մարդու մասին տեղեկություններ, այդ թվում և անձնագրային տվյալներ: Նրանցից 159-ն ունեն Գերմանիայի քաղաքացիություն:
Rheinische Post-ը հայտնում է, որ ցուցակում կան երկու տեսակի քաղաքացիներ: Առաջինը` մարդիկ, ովքեր պոտենցիալ վտանգավոր են, իսկ երկրորդը` ում վրա անհրաժեշտ է ուշադրություն դարձնել:
