Հենրիխ Մխիթարյանն անցավ Անդրեյ Շևչենկոյին և դարձավ հետխորհրդային տարածքի ամենաթանկ ֆուտբոլիստը
27-ամյա կիսապաշտպանը 2 միլիոնով ավելի թանկ է 2004թ. «Ոսկե գնդակի» մրցանակակրից:
Շաբաթ «Բորուսիան» հաստատեց Հայաստանի հավաքականի կիսապաշտպան Հենրիխ Մխիթարյանին՝ «Մանչեսթեր Յունայթեդին» վաճառելու փաստը: Ըստ Sueddeutsche Zeitung-ի տեղեկության, գործարքը «Մեղուներին» բերել է 42 մլն եվրո:
Այս դեպքում Մխիթարյանը դառնում է հետխորհրդային տարածքի ամեանաթանկ ֆուտբոլիստը: Նախկին ռեկորդը պատկանում էր ուկրաինացի հարձակվող Անդրեյ Շևչենկոյին, ում 2006 թվականին «Չելսին» գնեց «Միլանից» 40 մլն եվրոյով:
Նախորդ մրցաշրջանում անցկացրած 51 խաղերում Հենրիխ Մխիթարյանը դարձել է 23 գոլի և 32 գոլային փոխանցման հեղինակ:
Պատրաստեց Անի Գաբուզյանը
