«Մանչեսթեր Յունայթեդը» պատրաստ է Պոգբային վճարել շաբաթական 250 հազար ֆունտ

«Մանչեսթեր Յունայթեդը» դեռևս մտադրություն ունի հետ վերադարձնել «Յուվենթուսի» կիսապաշտպան Պոլ Պոգբային, ում նկատմամբ հավակնություններ ունեն նաև «Ռեալը», «ՊՍԺ»-ն և «Մանչեսթեր Սիթին»:

Ըստ Daily Mail-ի տեղեկության, «Կարմիր սատանաները» պատրաստ են Ֆրանսիայի հավաքականի խաղացողին շաբաթական վճարել 250 հազար ֆունտ:

Ավելի վաղ հայտնի էր դարձել, որ «Մանչեսթեր Յունայթեդը» համաձայն է վճարել Պոգբայի համար ռեկորդային 120 մլն եվրո:

Պատմության մեջ ամենաթանկ ֆուտբոլիստը համարվում է Գարեթ Բեյլը, ում 2013թ. «Ռեալը» ձեռք բերեց «Տոտենհեմից» 100 մլն եվրոյով:

4 տարի առաջ Պոլ Պոգբան «Մանչեսթեր Յունայթեդից» տեղափոխվել է «Յուվենթուս» ազատ գործակալի կարգավիճակով:

Պատրաստեց Անի Գաբուզյանը