Հայտնի է Թուրքիայի նոր կառավարության կազմը. Թուրքիայի վարչապետն Էրդողանին է ներկայացրել ցուցակը
Թուրքիայի իշխող «Արդարություն և զարգացում» կուսակցության նախագահ Բինալի Յըլդըրըմն այսօր հանդիպել է Թուրքիայի նախագահ Ռեջեփ Թայիփ Էրդողանի հետ, որպեսզի նրան փոխանցի Թուրքիայի նոր կառավարության ցուցակը:
Ինչպես հայտնում է TRT-ն, սպասվում է, որ Էրդողանը գրեթե միանգամից հավանության կարժանացնի նոր կաբինետի կազմը, ու Յըլդըրըմն այն անմիջապես կհրապարակի:
Դրանից հետո «Արդարություն և զարգացում» կուսակցության նախագահը պաշտոնապես կստանձնի Թուրքիայի վարչապետի պաշտոնը: Ավելի ուշ նա այդ կարգավիճակով առաջին անգամ հանդես կգա խորհրդարանում՝ իր կուսակիցների առաջ:
