Գործարկվել է մեռած ուղեղի վերականգնման ծրագիրը
Երկու կենսատեխնոլոգիական ընկերություններ՝ ԱՄՆ-ի Bioquark Inc.-ը եւ Հնդկաստանի Revita Life Sciences-ը, երկու երկրների իշխանություններից թույլտվություն են ստացել այն մարդկանց ուղեղի վերականգնման հնարավորությունների հետազոտման համար, որոնք մահացած են ճանաչված:
Դրա համար կընտրվի ուղեղի մահվան ախտորոշմամբ 20 մարդ, որոնց օրգանիզմի կենսագործունեությունը պահպանվում է արհեստականորեն, տեղեկացնում է BBC-ն:
Բուժընթացի ավարտից հետո հիվանդները կշարունակեն մի քանի ամիս գտնվել հսկողության տակ:
Ինչպես Մեծ Բրիտանիայի մամուլին տված հարցազրույցի ժամանակ ասել է Bioquark Inc.-ի գործադիր տնօրեն պրոֆեսոր Այրա Փաստորը, սա առաջին նման ձեռնարկումն է եւ հաջորդ աստիճանն այն բանի ըմբռնման հարցում, թե ինչն ենք մենք մահ համարում:
Նա նաեւ հավելել է, որ առաջին արդյունքները կստացվեն երկու-երեք ամսվա ընթացքում:
