Թուրքիան զինված հակամարտությունների կարգավորման հարցում որպես միջնորդ է հանդես գալիս. Էրդողան
Թուրքիան զինված հակամարտությունների կարգավորման հարցում որպես միջնորդ է հանդես գալիս: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով Ստամբուլում ընթացող համաշխարհային հումանիտար գագաթաժողովում, հայտնում է TRT Haber հեռուստաալիքը:
Էրդողանը հույս է հայտնել, թե Ստամբուլի հումանիտար ֆորումը կարևոր ազդակ կդառնա մարդասիրական ճգնաժամի համար: «Թուրքիան երկրներից մեկն է, որն ակտիվորեն օգնում է սիրիացի փախստականներին»,- հայտարարել է Էրդողանը:
Նրա խոսքով՝ Թուրքիան սիրիացի փախստականների վրա ծախսել է 10 միլիարդ դոլար, իսկ ներկայում նրանց թիվը Թուրքիայում կազմում է 3 մլն մարդ:
