Սիրիական բանակն ազատագրել է Դեր Զորի հայկական գերեզմանատունը
Սիրիայի կառավարական բանակի 137-րդ հրետանային բրիգադը երեկ ԴԱԻՇ-ի դեմ մղված համառ մարտերից հետո ազատագրել է Սիրիայի Դեր Զոր քաղաքի արևմտյան մասում գտնվող ռազմավարական նշանակություն ունեցող տարածքները, որտեղ գտնվում է նաև հայկական գերեզմանատունը, հայտնում է almasdarnews.com-ը:
Նշվում է, որ կառավարական զորքերը կարողացել են թեժ մարտերի արդյունքում վերանվաճել հայկական գերեզմանատան տարածքը:
Կայքը, հղում կատարելով Սիրիայի 104-րդ պաշտպանական բրիգադի ներկայացուցիչ Յարոբ Զահրեդդինին, նշում է, որ հայկական գերեզմանատան ազատագրման համար մղված մարտերի ընթացքում Սիրիայի բանակը ոչնչացրել է ԴԱԻՇ-ի բազմաթիվ ահաբեկիչների, որոնց թվում եղել են նաև Հյուսիսային Աֆրիկայից ժամանած մի քանի ահաբեկիչներ:
Մինչ այդ տեղեկություններ էին տարածվել, որ ԴԱԻՇ-ի ահաբեկիչները պղծել են հայկական գերեզմանատունը:
