Յուրա Մովսիսյանի գոլը օգնեց «Ռեալ Սոլթ Լեյքին» հաղթել «Սպորտինգ Կանզաս Սիթիին»
MLS-ի կանոնավոր առաջնությունում «Ռեալ Սոլթ Լեյքը» հյուրընկալվելիս 3:1 հաշվով հաղթեց «Սպորտինգ Կանզաս Սիթիին»:
Հանդիպման 32-րդ րոպեին հաշիվը բացեց «Ռեալի» արգենտինացի հարձակվող Խուան Մարտինեսը: Մինչև առաջին խաղակեսի ավարտը հյուրերը Բրեդ Դևիսի ինքնագոլի շնորհիվ կրկնապատկեցին հաշիվը:
Խաղի 50-րդ րոպեին Դոմինիկ Դուայերը կրճատեց հաշիվը: Իսկ 53-րդ րոպեին վերջնական հաշիվը ձևակերպեց «Ռեալ Սոլթ Լեյքի» հարձակվող Յուրա Մովսիսյանը:
Այս գոլը դարձավ 3-րդը Յուրա Մովսիսյանի համար MLS-ի ընթացիկ մրցաշրջանում:
Պատրաստեց Անի Գաբուզյանը
