Բրյուսելում պայթյուններ կազմակերպած մահապարտի եղբայրը դարձավ Եվրոպայի չեմպիոն և ձեռք բերեց Օլիմպիադայում մասնակցելու իրավունք
Ժամանակն է վերականգնել ընտանիքի պատիվը:
Թեքվանդոյի Եվրոպայի առաջնությունում Մուրադ Լակրաուին 54 կգ քաշային կարգում 6:3 հաշվով հաղթեց Հեսուս Տորտոսին և դարձավ չեմպիոն: Այս հաղթանակը 21-ամյա բելգիացուն ապահովեց 2016թ. Ռիո դե Ժանեյրոյի Օլիմպիական խաղերի ուղեգրով:
Մուրադի մեծ եղբայր Նաջիմ Լակրաուին այն երկու մահապարտներից մեկն էր, ովքեր 2016թ. մարտի 22-ին պայթյուններ կազմակերպեցին Բրյուսելի օդանավակայանում:
Այդ իրադարձություններից հետո Մուրադը մամուլի ասուլիսի ժամանակ հայտարարել էր, որ ահաբեկչությունից առաջ 3 տարի ընտանիքում ոչ մի լուր չեն ունեցել մեծ եղբորից:
Պատրաստեց Անի Գաբուզյանը
