«Յուվենթուսը» լրացուցիչ ժամանակում հաղթեց «Միլանին» և դարձավ Իտալիայի գավաթակիր
«Յուվենթուսը» հանդիպման լրացուցիչ ժամանակում առավելության հասավ «Միլանի» նկատմամբ և դարձավ Իտալիայի գավաթակիր: Հանդիպումն անցկացվեց Հռոմի «Օլիմպիկո» մարզադաշտում և ավարտվեց 0:1 հաշվով:
Առաջին խաղակեսում առավելությունն ամբողջովին «Միլանի» կողմն էր: Ընդմիջումից հետո խաղը տեղափոխվեց դաշտի կենտրոն, իսկ հիմնական ժամանակի վերջնամասում թուրինցիները առավելությունն իրենց ձեռքը վերցրեցին:
110-րդ րոպեին Խուան Կուադրադոյի հիասքանչ փոխանցումից հետո գոլի հեղինակ դարձավ Ալվարո Մորատան:
«Յուվենթուսը» Իտալիայի գավաթը նվաճեց 11-րդ անգամ՝ թարմացնելով սեփական ռեկորդը: 9 հաղթանակ ունի «Ռոման», 7 հաղթանակ՝ «Ինտերը»:
Պատրաստեց Անի Գաբուզյանը
