«Բավարիան» հետխաղյա 11 մետրանոցներով նվաճեց Գերմանիայի գավաթը
Մյունխենի «Բավարիան» 18-րդ անգամ հռչակվեց ֆուտբոլի Գերմանիայի գավաթակիր: Գերմանիայի գավաթի խաղարկության եզրափակիչում մյունխենցիները հետխաղյա 11 մետրանոցներով հաղթեցին Դորտմունդի «Բորուսիային», որը մրցաշրջանն ավարտեց առանց տիտղոսի:
Հետխաղյա 11 մետրանոցների հարվածաշարի ժամանակ «Բորուսիայից» դիպուկ էին Սինձի Կագավան, Պյեր-Էմերիկ Օբամեյանգը և Մարկո Ռոյսը, իսկ Սվեն Բենդերը և Սոկրատիս Պապաստատոպուլոսը վրիպեցին: «Բավարիայից» դարպասը գրավեցին Արտուրո Վիդալը, Ռոբերտ Լևանդովսկին, Թոմաս Մյուլերն ու Դուգլաս Կոստան, իսկ Ջոշուա Կիմիխի հարվածն անհաջող էր:
Գերմանիայի Գավաթ, եզրափակիչ
«Բավարիա» – «Բորուսիա»՝ 0:0
11 մետրանոցներով՝ 4:3
