«Գերմանիայի գավաթի եզրափակիչն առանձնահատուկ խաղ է». Պեպ Գվարդիոլա
«Բավարիայի» գլխավոր մարզիչ Պեպ Գվարդիոլան կիսվել է Դորտմունդի «Բորուսիայի» դեմ կայանալիք Գերմանիայի գավաթի եզրափակիչ խաղի սպասումներով:
«Ես հպարտանում եմ թիմի ելույթների ստաբիլությամբ: Դա անհավանական դժվար է, բայց «Բավարիան» անընդհատ առաջադիմում է դրանում:
Մենք այստեղ ենք, որպեսզի հաղթենք: Իհարկե, սա առանձնահատուկ խաղ է: Սա եզրափակիչն է:
2 տարի առաջ ես նկատեցի, թե ինչպիսի հիասքանչ մթնոլորտ է այստեղ: Ուղղակի խելագարություն է: Հիմա ես պատիվ ունեմ նորից լինել այստեղ: Ես ցանկանում եմ շնորհակալություն հայտնել իմ ֆուտբոլիստներին դրա համար»,- ասել է Գվարդիոլան:
Գերմանիայի գավաթի եզրափակիչը տեղի կունենա մայիսի 21-ին, ժամը 22:00-ին, Բեռլինում:
Պատրաստեց Անի Գաբուզյանը
