Վարդաքարում ջրաշինարարները կմախք են հայտնաբերել
Tsayg.am. Վարդաքարում խմելու ջրագծերի ներքին ցանց է կառուցվում: Համայնքի բնակիչները երկար ժամանակ զրկված են եղել մշտական ջրամատակարարումից: Գյուղում մեծ թափով շինարարական աշխատանքներ են ընթանում: Ամբողջ համայնքի ջրամատակարարումն ապահովելու համար մոտ 2 միլիոն դրամ կծախսվի: Ջրագծերի փորման ժամանակ շինարարները գյուղի մի հատվածում մարդկային ոսկորներ ու կահկարասու մնացորդներ են հայտնաբերել: Հնագետները տարել են գտածոները, դրանք ուսումնասիրությունների կենթարկվեն: Հնարավոր է, որ հայտնաբերվածը վաղ քրիստոնեական ժամանակահատվածի դամբարանադաշտ լինի:
