PKK-ի ռազմական թևը հայտարարել է 2 օրում 32 թուրք զինծառայողի ոչնչացման մասին
Քուրդ աշխարհազորայինները (HPG), որոնք համարվում են «Քրդական աշխատավորական» կուսակցության (PKK) ռազմական թևը, հայտարարել են Թուրքիայի արևելքում 2 օրում 32 թուրք զինծառայողի ոչնչացման մասին: Քուրդ ապստամբները հայտնել են, որ մարտերի հետևանքով իրենք կորցրել են 7 մարդու:
«2 օրում Հաքքարի նահանգում շարունակվող հակամարտության ընթացքում նվազագույնը 32 թուրք զինվոր է սպանվել: HPG-ն բախումների հետևանքով կորցրել է 7 պարտիզան»,- ասվում է քուրդ ապստամբների հաղորդագրության մեջ:
HPG-ն տեսանյութ է տարածել, որտեղ երևում է, թե ինչպես է հարձակվում թուրքական բանակի դիրքերի վրա: Տեսանյութում պատկերված է նման 3 հարձակում:
