Տուխելը կարծում է, որ «Բորուսիան» չի կարող Հումմելսին արժանի փոխարինող գտնել
Դորտմունդի «Բորուսիայի» գլխավոր մարզիչ Թոմաս Տուխելը մեկնաբանել է թիմի պաշտպան Մաթս Հումմելսի որոշումը՝ մրցաշրջանի ավարտից հետո մյունխենյան «Բավարիա» տեղափոխվելու մասին: Տուխելը կարծում է, որ ակումբը չի կարող Գերմանիայի հավաքականի ֆուտբոլիստին արժանի փոխարինող գտնել:
«Մեզանից կպակասի ոչ միայն գերազանց կենտրոնական պաշտպան, այլ նաև իսկական մարդ, մեր ավագը և առաջատարը: Այս ամենը երկակի կամ եռակի դժվարացնում է մեր խնդիրը: «Բորուսիան» չի կարող փոխարինել Հումմելսին և գտնել ֆուտբոլիստի, ով միանգամից կխաղա այդ մակարդակի վրա: Մենք պետք է այլ կերպ լուծենք այս խնդիրը»,- Տուխելի խոսքերն է մեջբերում Bild-ը:
Պատրաստեց Անի Գաբուզյանը
