«Ռեալը» մտադիր չէ վաճառել Խամեսին
«Ռեալը» չի պատրաստվում բաժանվել կիսապաշտպան Խամես Ռոդրիգեսից:
Մադրիդյան ակումբի նախագահ Ֆլորենտինո Պերեսը հաղորդել է 24-ամյա կոլումբիացու գործակալներին, որ ֆուտբոլիստը չի վաճառվում:
Ավելի վաղ հայտնի էր դարձել, որ Խամեսին դեմ չեն լինի ձեռք բերել «Յուվենթուսը», «Արսենալը» և երկու մանչեսթերյան ակումբները:
«Ռեալի» գլխավոր մարզիչ Զինեդին Զիդանի կարծիքով՝ եթե ամռանը Խամեսը լավ աշխատի և խուսափի վնասվածքներից, ապա հաջորդ մրցաշրջանը կանցկացնի շատ ավելի բարձր մակարդակի վրա, քան ընթացիկ մրցաշրջանը:
Պատրաստեց Անի Գաբուզյանը
