Թուրքիայի դատախազությունը հետաքննություն է սկսել թուրքական ընդդիմության առաջնորդի դեմ
Թուրքիայի դատախազությունը հետաքննություն է սկսել Թուրքիայի հիմնական ընդդիմադիր «Ժողովրդա-հանրապետական» կուսակցության առաջնորդ Քեմալ Քըլըչդարօղլուի դեմ: Պատճառն այն է, որ Քըլըչդարօղլուն մտավախություն էր հայտնել՝ կապված Թուրքիայի կողմից նախագահական կառավարման համակարգին անցնելու հետ, հայտնում է NTV հեռուստաալիքը:
Նախօրեին թուրք քաղաքական գործիչը դեմ էր արտահայտվել Թուրքիայի կողմից կառավարման նախագահական անցման մասին, քանի որ դա, ըստ նրա, երկրում արնահեղության պատճառ կդառնա:
Թուրքիայի ներկայիս նախագահ Ռեջեփ Թայիփ Էրդողանը պնդում է, որ երկիրը խորհրդարանական կառավարման կարգից պետք է անցում կատարի նախագահական կառավարման համակարգի: Էրդողանն առաջարկում է հանրաքվե անցկացնել նոր Սահմանադրության և կառավարման նախագահական համակարգի հարցով:
